Бөтен гаилә белән – ярышка

Җыелган командалар 7–9 яшь, 10–12 яшь, 13 һәм өлкәнрәк яшьтәгеләр категорияләренә бүленделәр. 10–12 яшьлекләр категориясе иң күп санлысы булды, анда 8 команда иде. Составына ата-аналар һәм балалар кергән барлыгы 14 җыелма команда катнашты.

Спорт-гаилә бәйрәме бер сулышта, бик күңелле үтте. Дүрт бирем эшләргә кирәк булды, әти-әниләр һәм балалар сынаулар вакытында бер-берсен дәртсендереп, көч биреп тордылар. Ярышта шулай ук балалары социаль приютта яшәгән гаилә дә катнашты. Соңрак билгеле булуынча, ярыштан соң аның әти-әнисе балалары гаиләгә кайтсын өчен тырышлык салган. Барлык командалар грамоталар алды, Моисеевлар (7–9 яшь), Минһаҗевлар (10–12 яшь) һәм Баһаветдиновлар (13 яшь һәм өлкәнрәк) җиңү яулады.