Режимны үтәргә ант итәбез!

Узган ел ахырында, 22 декабрьдә, балалар-үсмерләр спорт мәктәбендә «Спортчылар сафына алу» дип аталган спорт бәйрәме булды.

Анда 2018 елда спорт мәктәбенә йөри башлаучылар катнашты. Аларны үзе дә шул мәктәптә тәрбияләнгән шахматчы Камилла Байбурина сәламләде. Ә район Мәдәният сарае коллективлары иҗади номерлар белән чыгыш ясадылар. Бәйрәм барышында шулай ук эстафеталар үтте.