Рәваҗдан пирог һәм кайнатма

Әлеге үсемлектән шулай ук пирожкилар да пешерәләр.

Кузгалак пирогы яратасызмы? Аны яратмаган кеше бар микән? Рәваҗдан  пешерелгәне дә нәкъ кузгалакныкы кебек була.

Бер генә аермасы да юк. Җыюы гына тиз. Сез дә пешереп карагыз әле.

Камыр өчен: 1 стакан кибет каймагы яки сөт, ярты стакан шикәр комы, 100 грамм атланмай, 2 стакан он, 1 кап көпшәкләндергеч. Эчлеккә рәваҗны яки кузгалакны турап салырга, өстенә шикәр комы, аз гына крахмал (яки манный ярмасы) сибәргә. Мичтә әзер булганчы пешерергә.

Камыр ясауның икенче төрле рецептын да тәкъдим итәбез. Бу камырдан төрле пироглар пешерергә була.

Бер стакан кефир, ярты стакан көнбагыш мае, 2 аш кашыгы шикәр комы, 1 чәй калагы тулыр-тулмас тоз, бер кечкенә кап чүпрә (камыр өчен барлык ингредиентлар да җылы булырга тиеш). Камырны баскач, ярты сәгать кабартып алабыз да пироглар ясыйбыз. Пирогны духовкада сүрән генә утта 1 сәгать чамасы пешерәбез. Бик йомшак булып пешә...