+13 °С
Облачно
Рецептлар
5 Января 2021, 09:17
Тәмле өй колбасасы
Ашыгыз тәмле булсын!
Сыерның 1,2 кг муен ите, бройлер тавыгының 600 г түш ите, 200 г терлек мае, 300 грамм 10 процентлы сөт өсте, 4 йомырка, 6–7 тырнак сарымсак, 3 аш кашыгы крахмал, 1 чәй кашыгы борыч, тәменчә тоз һәм тәмләткечләр.
Колбаса йомшаграк булсын өчен сөттә җебетелгән 200 грамм йомшак ак ипи өстәргә мөмкин. Барысын бергә кушып, яхшылап болгатырга һәм бер тәүлеккә суыткычка куярга. Аннан 25–30 см озынлыкта әзерләнгән эчәкләр-гә бик тыгызламыйча тутырырга. Ике башын да ныгытып бәйләп, майланган табага тезәргә кирәк. Пешкәндә ярылмасын өчен һәр колбасаны 3–4 урыннан калын инә белән тишәргә.
200 градуска кадәр җылытылган духовкага куярга һәм 45 минут пешерергә.
Редакцияне сайлау
