«Көнбагыш» салаты

Катлап ясала, майонез өске катка гына салына.

Тавык ите ваклап турала һәм тәлинкә төбенә җәеп салына. Аннары вак кына итеп турап пешкән кишер, маринадланган гөмбә, ваклап туралган суган, йомырка, кукуруз (банкалап сатыла торганы) салына. Майонез ягыла, салат кырыйларына чипсы тезелә, тик аның җебүе ихтимал, шуңа күрә аны йомырка сарысы белән алыштыру кулайрак.

Аны көнбагыш чәчәгенә охшатып, салат кырыен бизисең. Мандарин өлешләрен салып бизәсәң дә матур һәм тәмле була.