Алмадан кайнатма

Кайнатма өчен кирәк: 1 кг алма, 150 гр чистартылган әстерхан чикләвеге, уртача зурлыктагы 1 лимон, 180 гр шикәр комы, 2 дәфнә (лавр) яфрагы, 3 бөртек кара борыч. Алманы вак телемнәргә турыйбыз, өстенә су агызабыз. Шуңа бераз лимон согы, берничә телем лимон, шикәр комы һәм дәфнә яфракларын салып, сүрән утта болгатмыйча гына 10 минут кайнатабыз. Аннан соң лимонны һәм дәфнә яфракларын алып ташлыйбыз, алмага вакланган әстерхан чикләвеге кушып, тагын 15 минут утта тотабыз. Теләгән кеше катнашмага борыч өсти ала. Бераз әчкелтем кайнатма килеп чыга.