Шаурма рецепты

Әзер ләвәшне җәеп салырга, кетчуп, майонез сыларга, кыздырылган тавык түшен турарга, кәбестә белән кишерне ваклап, тоз, борыч сибәргә, помидор һәм кыяр турап салырга, угычтан каты сыр уарга, яшелчәләр өстенә кетчуп, майонез агызырга һәм җайлап төрергә. Аз гына май салынган табада ике ягын кыздырып алырга. Шаурма эченә кем нинди яшелчә ярата, шуны сала ала. Аны кыздыргач ләвәш ачылмаячак һәм кетердәп торачак, ә эчендәге сыр эреп тагын да тәмлерәк булачак.