Чишмәле Мәскәүдә Җиңү бәйрәмендә катнашачак!

Риза Нурлый улы сугыш тәмамланганнан соң биш ел Владивостокта су асты көймәсендә хезмәт иткән. Туган ягына кайткач, гаилә корган, тормыш иптәше белән ике ул тәрбияләп үстергәннәр. Мәктәптә биология һәм физкультура укыткан.

1969 елда ул гаиләсе белән Новотроицкий авылына күчеп килгән һәм мәктәп директоры булып эшләгән. Кырык елдан артык эшләү дәверендә бик күп укучыларының яраткан укытучысы булган, аңарда белем алган балалар Бөтенсоюз күргәзмәләрендә җиңү яулаганнар. Аның укучылары Риза Нурлый улы яннарында булса, уңышка ирешәчәкләренә ышанганнар, чөнки ул эшен бар күңелен биреп, югары дәрәҗәдә башкарган!

Аңа РСФСР халык мәгарифе отличнигы исеме бирелгән. Риза Вәлиев пенсиягә чыккач умартачылык һәм спорт белән мавыга башлаган. Ул әле булса чаңгы спорты белән актив шөгыльләнә һәм үз яшенең күңел халәтенә бәйле булмаган саннар гына булуын дәлилләп ярышларда катнаша. Олы яшьтә дә актив тормыш рәвеше алып барырга мөмкин булуын үз үрнәгендә күрсәтә.

«Риза кебек эшләү» дигән сүз, димәк, һәр эшне бар күңелеңне биреп, намус белән башкару, һәм бу яклап ул безнең барыбыз өчен дә үрнәк булып тора, ди аның якташлары.