Чишмэ
+26 °С
Болытлы
Барлык яңалыклар
Җәмгыять
10 март 2023, 11:00

Яшь инспекторлар бәйрәм белән котладылар

6-7 март көннәрендә районның ЮХИДИ хезмәткәрләре хәрәкәтнең яшь инспекторлары, Чишмә поселогының 1нче  һәм Чишмә авылының икенче мәктәбе укучылары белән берлектә Халыкара хатын-кызлар көненә, шулай ук Рәсәйдә яшь инспекторлар отряды төзелүнең 50 еллыгына багышлап акция үткәрделәр.

Яшь инспекторлар бәйрәм белән котладылар
Яшь инспекторлар бәйрәм белән котладылар

Яшь инспекторлар юл хәрәкәте иминлеген тәэмин итү эшендә Дәүләт автоинспекциясенең зур ярдәмчеләре.

 – Балалар бу чарага бик җаваплы карадылар, үз куллары белән чәчәкләр, рәсемнәр ясадылар. Машина йөртүче хатын-кызларны 8-нче Март бәйрәме белән котлап бүләкләр тапшырдылар. Малайлар исә патруль машинасына утыргач, репродуктор аша берәр нәрсә әйтергә теләделәр. Аларга «Юл хәрәкәте кагыйдәләрен саклагыз!» дип тирә-юньдәгеләргә кисәтү ясау мөмкинлеге бирелде. Соңыннан балаларга стикер рәвешендә яктылык кайтаргыч элементлар тапшырылды, – дип билгеләп үтте Чишмә районы буенча ЮХИДИ бүлегенең юл хәрәкәте иминлеген пропагандалау буенча инспекторы Әлфия Вәлиева.

Яшь инспекторлар бу көннәрдә районда машина йөртүче 40лап хатын-кызны бәйрәм белән котладылар.

Яшь инспекторлар бәйрәм белән котладылар
Яшь инспекторлар бәйрәм белән котладылар
Автор:Рима Губайдуллина
Читайте нас: