+20 °С
Облачно
Җәмгыять
6 Июля 2021, 07:03
Чишмә районы 8,5 миллион сум субсидия алачак
Чишмә районында урындагы башлангычларга нигезләнгән иҗтимагый инфраструктураны үстерү программасы буенча 10 проект гамәлгә ашырылачак. Уразбахты авылында мәктәп территориясе төзекләндереләчәк, коймалар алыштырылачак. Бишкәҗәдә күперне капиталь ремонтлау планлаштырыла, ә Ярми авылында Бөек Ватан сугышы ветераннарына һәйкәл-мемориал куелачак.
Чишмә районы 8,5 миллион сум субсидия алачак
Игнатовка һәм Караякуп авылларында зират коймалары алыштырылачак. Вишневка авылында проект акчасына «МТЗ-82» тракторы, ә Чишмәдә фронталь төягеч сатып алырга телиләр. Сәйран авылында юллар салу белән шөгыльләнәчәкләр, Дураста балалар өчен уен мәйданчыгы белән сквер төзекләндереләчәк. Үрге Хаҗәттә юлларны тигезләү өчен карьер материал салыначак.
Авыл биләмәләре хакимиятләре, инициаторлар төркеме, халыкның Урындагы башлангычларга ярдәм күрсәтү программасында актив катнашуы ярдәмендә безнең район Башкортстан Республикасы бюджетыннан 8,5 млн сум күләмендә субсидия алачак.
Чишмә районы 8,5 миллион сум субсидия алачак