+15 °С
Дождь
Җәмгыять
2 Декабря 2020, 08:25
Киштәләрдә – сыр, бал, балык һәм ит...
28 ноябрьдә район хакимияте бинасы каршындагы мәйданда авыл хуҗалыгы ярминкәсе үтте.
Бу көнне фермерлар, авыл хуҗалыгы предприятиеләре, эшмәкәрләр үз продукцияләрен тәкъдим иттеләр. Ярминкәдә терлек һәм кош-корт ите, балык, яшелчә-җимеш, он, шикәр һәм башка төрле азык-төлек сатып алырга мөмкин булды.
– Кымыз сатабыз, ат ите дә алып килдек. Барысы да үзебездә җитештерелгән, – диде «Йосыпов» хосусый предриятиесе сатучысы.
Ярминкәдә бал, сыр, хәтта кышкылыкка үзләре әзерләгән азык-төлекне сатучылар да бар иде.
– Мин дә ярминкәдә катнашырга булдым әле, сатуга тозлаган кыяр-помидор, салатлар, аджика, кетчуп, кайнатмалар алып чыктым. Барысы да үзебезнең бакчадан үстерелгән, – диде Чишмә поселогында яшәүче Флүрә Курамшина.
Ярминкәдә сатып алучылар да күп иде, һава торышы да ит ризыклары сату өчен бик кулай – салкынча булды.
Редакцияне сайлау
