Җил-давыл зыян салды

6 июль кич Чишмә поселогында көчле җил-давыл булды. Бәхеткә, зыян күрүчеләр һәм корбаннар юк.

– Безнең идарә итүче компания карамагындагы территорияләрдә 7 агач ауган, өч йорт түбәсенә зыян килгән. Яңа урамындагы йорт түбәсеннән очкан шифер якында торган машина өстенә килеп төшкән. Давыл үткәннән соң барысы да тәртипкә китерелде, сынган агачлар җыештырылды, – дип сөйләде «Чишмә районы Торак сервисы» җәмгыяте идарә итүче компания директоры Эдуард Илалов.

«Ямь» җәмгыятенең баш инженеры Ринат Мөслимов та эшчеләрнең давылдан соң икенче көнне поселокта агачлар кисү белән шөгыльләнүен билгеләде, сынып төшкән агачлар турында мәгълүмат поссоветтан алынган. Мәсәлән, Элеватор урамындагы 7нче йорт янында чаган, Гыйззәтуллин, 4тә һәм Елга урамы, 58дә – каен, Гыйззәтуллин, 17дә – корычагач, Революция, 19да – шомырт, Ленин паркында каен һәм чаган ауган.