Дөрес юл сайлау өчен мөмкинлек бар

Фестивальдә Чишмә поселогы, Алкин-2 һәм Шөнгәккүл мәктәпләрендә белем алучы йөздән артык укучы катнашты.

Аларны наркомания проблемалары буенча фикер алышу, тестлар, тренинглар һәм уеннар көтте. Фестивальдә катнашучылар шулай ук начар сөземтәләргә китерергә ихтимал булган тәкъдимнәрдән дөрес итеп баш тартырга мөмкин булуы турында белделәр; наркомания проблемасына карата үз фикерләрен белдерделәр.

«Сайлау» уенында катнашучыларга кәгазьгә үзләре яраткан өч ризык, өч төрле мавыгу һәм өч якын кешеләренең исемен язарга тәкъдим ителде. Балалар уен мисалында бәйлелеккә эләгеп, тормышларында кадерле булган әйберләрне югалту ихтималлыгын аңладылар.

Фестиваль ахырында балалар «Уңыш агачы» уенында катнаштылар, анда алар кәгазь битләренә тормышта нинди уңышларга ирешүләре турында яздылар.

Фестивальдә катнашучыларның барысына да «Чишмә – сәламәтлек территориясе» фестивале эмблемасы белән истәлекле блокнотлар тапшырылды.