Исламда хатын-кыз

Хатын-кызлар хәрәкәтенең девизы: «Йөрәктә – ышаныч, кулларда – эш».

Учреждение директоры Радик Әхмәдиев музей – ул халык тарихы гыйбадәтханәсе, аны исламнан башка күз алдына да китереп булмый, диде һәм «Гасырлар буе сакланган хәтер: Хөсәен бәк» күчмә күргәзмә тәкъдим итте.

Мөслимәләр берлеге рәисе Роза Гәрәева сүзләренә караганда, конференцияне гаиләдә һәм җәмгыятьтә хатын-кызның роле турында аңлату өчен – танып белү чарасы буларак ниятләгәннәр. Чыгышларда хатын-кызның ире алдында бурычлары, гаилә башлыгын тыңлау, ата-аналарны һәм туганнарны хөрмәт итү, өй эшләрен башкару, балаларны тәрбияләү мөһимлеге турында хәтерләттеләр. Ире һәм гаилә тормышының серләрен ачарга ярамавы ассызыкланды. Хатын-кызлар кайгыртучанлык күрсәтә торган кешеләре булганда үзләрен бәхетле хис итә. Алар нәфис булса да, ир-атка ярдәм иткән яратуы бар, ә артык иреклек файдага түгел. Уфадан килгән кунак, БДУның философия фәннәре докторы Гүзәл Булатова М. Кәримнең хатын-кызның җәмгыятьтәге роленә фәлсәфи карашлары турында искә төшерде. Госман хәзрәт барлык хатын-кызларны да кызыксындырган: «Ир-атлар безне ни өчен яраталар? – соравына күпмедер дәрәҗәдә җавап бирде. «Хатын-кызның көче, – тынычлыкта, игелектә һәм хисчәнлектә», – диде ул.

Музей фойесында китап күргәзмәсе һәм сәүдә оештырылды, чәч кыстыргычлар ясау, яулык бәйләү, тәнгә мехенди-рәсем төшерү буенча осталык класслары үткәрелде.