Чишмэ
-24 °С
Болытлы
75 лет Победы
Барлык яңалыклар
Җәмгыять
21 февраль 2020, 14:59

Су асты көймәсендә һәлак булганнарның туганнарын эзләү

Рәсәй Почтасы 1941–1945 елларда Фин култыгында су асты көймәсендә һәлак булучыларның туганнарын эзләү буенча «Бөек Җиңү корабларына баш ию» халыкара проектына кушылды.

Һәлак булган геройларның туганнарын эзләү буенча күләмле эштә илнең 45 төбәгеннән, шул исәптән Башкортстан Республикасыннан почта хезмәткәрләре катнаша.
Һәлак булган диңгезчеләрнең туганнары Кронштадт шәһәрендә «Үлемсез дивизия» колоннасында экипаж белән узар дип планлаштырыла. Гаилә тарихын тергезү һәм саклау өчен аларга баткан көймәләр табылган урында төшерелгән фоторәсемнәр һәм шул турыда документлар биреләчәк.
Хәзерге вакытта Федераль почта элемтәсе хезмәтенең Башкортстан Республикасы буенча идарәлеге Башкортстаннан хәрби хезмәткә алынган Николай Петрович Гвоздецкий белән Владислав Михайлович Сигаревның туганнарын эзли. Алар икесе дә Бөек Ватан сугышы елларында Фин култыгында һәлак булган.
Николай Петрович Гвоздецкий 1921 елда республиканың элек Әлшәй районында урнашкан Островец (Островцы) авылында туа (Нигъмәтуллин авыл Советы). Кызыл флотчы исемендә «Щ-324» су асты көймәсендә рулевой булып хәрби хезмәт итә.
Владислав Михайлович Сигарев 1919 елда Уфада туган. Бөек Ватан сугышы елларында «Щ-405» су асты көймәсендә өлкән лейтенант исемендә «БЧ-3» командиры булып хезмәт итә.
Бу кешеләрнең туганнары, шулай ук аларның туганнарын белүчеләр булса, Башкортстан Республикасы буенча Федераль почта элемтәсе хезмәте идарәлегенең матбугат хезмәтенә хәбәр итүләрен сорыйбыз: 8 (347) 273-76-89, [email protected] яки мәгълүматны матбугат хезмәте өчен якындагы почта бүлегендә калдырыгыз.
Безнең белешмә
«Бөек Җиңү корабларына баш иябез» халыкара проекты Президент грантлары фонды һәм Рус география җәмгыяте ярдәмендә Разведка-водолазлар клубы тарафыннан тормышка ашырыла.
Ирекле ярдәмчеләр булышлыгында су асты көймәсендә һәлак булган 700дән артык кешенең шәхесе ачыкланды. Проектның төп максаты – су асты көймәләрендә баткан диңгезчеләрнең хәрби батырлыгын мәңгеләштерү, шулай ук тарихи истәлекне саклап калу. Рәсәй Почтасы су асты көймәләрендә һәлак булучыларның туганнары һәм якыннары яшәгән урыннарны ачыклау өчен элемтә бүлекләрен, хат ташучыларны җәлеп итәчәк. Алынган барлык мәгълүматлар Рус география җәмгыяте ярдәмендә проектны тормышка ашыручы Разведка-водолазлар клубына тапшырылачак.
Читайте нас в