+13 °С
Болытлы
Барлык яңалыклар
Җәмгыять
4 декабрь 2019, 17:31
Электрон төрдә отчет бирү
Рәсәй Федераль салым хезмәтләре сайтында «Салым һәм бухгалтерлык отчетын тапшыру» Интернет-сервисы (арытаба – сервис) ярдәмендә отчет бирүнең уңайлылыгын бәяләүче салым түләүчеләр саны артканнан арта.
2019 елның 7 аенда әлеге мөмкинлектән якынча 670 мең оешма һәм хосусый малтабар файдаланган.
Бу сервисның өстенлекләре бик күп:
- отчет актуаль формаларга ярашлы төзелә һәм салым түләүче офисыннан 24/7 режимында җибәрелә ала;
- барлык мәгълүмат автомат режимда салым түләүчеләрнең шәхси исәпләре буенча таратыла;
- салым түләүче мәгълүматларны кәгазьдә саклаудан һәм тапшырудан тулысынча баш тарта ала, чөнки документлар расланган стандартларга ярашлы криптографик саклау чаралары белән сакланган;
- салым органнарына бару таләп ителми.
Моннан тыш сервис тиз арада түбәндәгеләрне алырга мөмкинлек бирә:
- бюджетка түләү турында мәгълүмат;
- шәхси исәптән өземтә;
- отчет елындагы салым һәм бухгалтерлык отчетлары исемлеге;
- салымнар һәм җыемнар буенча тикшерү актлары;
- салым органнарыннан көнүзәк мәгълүмати материаллар.
«Салым һәм бухгалтерлык отчетын тапшыру» электрон сервисы ярдәмендә отчет җибәрү өчен электрон ачкыч булырга тиеш. Аны элемтә операторыннан яисә Рәсәй Федерациясенең Цифрлы үсеш, элемтә һәм киңкүләм коммуникацияләр министрлыгы тарафыннан аккредитацияләнгән, таныклык бирүче үзәк вәкиленнән алырга мөмкин. Таныклык бирүче үзәкләр исемлеге ведомство сайтында «Таныклык бирүче үзәкләр аккредитациясе» бүлегендә бастырылган. Шуннан соң Федераль салым хезмәте сайтында (www.nalog.ru) урнашкан «Абонент идентификаторын алу сервисы» салым отчетын тапшыру системасында «Электрон сервислар» бүлегендә үзаллы теркәлергә һәм абонент идентификаторы алырга кирәк. Абонентның электрон имзасы һәм уникаль идентификаторы салым түләүчегә Рәсәй Федераль салым хезмәте сайты аша «Салым һәм бухгалтерлык отчетын тапшыру» Интернет-сервисы ярдәмендә салым һәм бухгалтерлык отчетын җибәрергә мөмкинлек бирә.
Фото: Ачык чыганаклардан
Читайте нас:
© 2020-2024 Сайт газеты «Чишмэ»
Свидетельство о регистрации СМИ: ПИ № ТУ02-01358 от 23.07.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор: Хамитова Дильбар Равиловна
Телефон
8 (347 97) 2-06-86
Электрон почта
Адресы
452170, Чишминский район, п. Чишмы, пер. Типографский, 1
Реклама хезмәте
8 (34797) 2-33-63
Редакция
8 (34797) 2-31-66
Кабул итү бүлмәсе
8 (34797) 2-31-66
Хезмәттәшлек
8 (347 97) 2-06-86
Кадрлар бүлеге
8 (347 97) 2-33-63