Чишмэ
+7 °С
Болытлы
Тат
Рус
Барлык яңалыклар
Җәмгыять
29 июнь 2019, 17:38
Кандидатлар тәкъдим ителә
Үзәк сайлау комиссиясенә республика башлыгы вазифасына дәгъва итүче тагын берничә кандидаттан документлар кабул ителде.
«Социаль яклау» сәяси партиясеннән 33 яшьлек Алексей Молокин күрсәтелде. Җитәкче вазифасына дәгъва итүче Уфада яши, урта белемле һәм әлеге вакытта «Социаль яклау» партиясенең Башкортстан төбәк бүлекчәсе советы рәисе вазифасын били. 20 июньдә шулай ук 53 яшьлек Рәмилә Сәетова Башкортстан башлыгы вазифасына сайланырга теләк белдерде. Кандидат «Рәсәйнең Социалистик партиясе» тарафыннан тәкъдим ителә. Рәмилә Сәетова Уфада яши, югары белемле һәм шәхси юридик эшчәнлек белән шөгыльләнә.
Элегрәк хәбәр ителүенчә, Үзәк сайлау комиссиясенә Башкортстан башлыгы вазифасына дәгъва итүче кандидатлардан «Бердәм Рәсәй»дән – Радий Хәбиров, «Рәсәй пенсионерлары партия»сеннән – Владимир Кобзев, КПРФтан – Юнир Котлыгужин, ЛДПРдан – Иван Сухарев, «Гадел Рәсәй»дән – Юрий Игнатьев, «Яблоко» партиясеннән – Зөлфия Гайсина, «Рәсәй Патриотлары»ннан – Рәфис Кадыйров, «Яшелләр» партиясеннән – Сания Тимасова, «Гражданнар көче»ннән – Владимир Барабаштан документлар кабул ителде.
Арытаба кандидатларга үз кандидатураларын яклап муниципаль берәмлекләрнең вәкаләтле органнары депутатларыннан 454 имза җыю мөһим. Бу Башкортстан башлыгын сайлауны билгеләү турындагы карар кабул ителгән көнгә әлеге муниципаль берәмлекләрнең уставларында күздә тотылган депутатларның гомуми саныннан 5% тәшкил итә. Депутатлардан җыелган имзалар исәбендә муниципаль районнар һәм шәһәр округларының кимендә 48 вәкаләтле органыннан 56 депутат имзасы булырга тиеш. Шул ук вакытта муниципаль берәмлекнең вәкаләтле органы депутаты сәяси партияләр тарафыннан тәкъдим ителгән нибары бер кандидат өчен генә имза куя ала.
Читайте нас:
Редакцияне сайлау
Район кешеләре
29 февраль , 12:55
Олимпиада турындагы хатирәләр
Авыл хуҗалыгы
27 февраль , 10:56
Югары нәтиҗәгә өмет итеп
Район кешеләре
29 февраль , 12:55
Олимпиада турындагы хатирәләр
Төрлесеннән
22 февраль , 10:17
Туган телне белү мөһим