+23 °С
Дождь
Җәмгыять
18 Февраля 2019, 06:12
«Инцидент» күзәтүен дәвам итә
Рәсми затларның Интернетта «Инцидент» системасы ачыклаган проблемалар һәм гражданнарның төбәк башлыгы вазифасын вакытлыча башкаручы һәм Чишмә районы башлыгы аккаунтларына мөрәҗәгатьләре буенча җавапларын бастыруны дәвам итәбез.
Камил Моратов
Галия Ганиева Каранъелга авылына илтүче юлның начар торышы турында хәбәр иткән.
- Чишмә районы хакимияте башлыгы урынбасары Камил Уразмәтов:
– Новотроицки авыл Советының Каранъелга авылыннан Чишмә поселогына һәм Уфага юл Сәйран аша үтә. Ул юл үз вакытында хуҗалык эшләрен башкару өчен «Большевик» колхозы тарафыннан күтәртелгән булган. Бу юл рәсми рәвештә беркайда да теркәлмәгән, шуңа күрә аны ремонтлау өчен бюджет акчасын тоту өчен законлы нигез юк. Әлеге вакытта Сәйран – Каранъелга юлын хуҗасыз күчемсез милек объекты итеп тану процедурасы аша гомуми кулланыштагы автомобиль юллары исемлегенә кертү буенча эш алып барыла. Сәйран – Каранъелга юлы исәпкә куелып бер ел үткәннән соң, район хакимияте бу объектка муниципаль милек хокукын тану турындагы таләп белән судка мөрәҗәгать итә алачак, шуннан соң бюджет акчасын юлны ремонтлауга тотынырга мөмкин булачак. Бу эшнең якынча сроклары 2019–2022 еллар.
Редакцияне сайлау
