Челси – кызыксынучан песи

Безнең Челси исемле песиебез бар. Бу кушаматны аңа «Игелекле кулларга тапшырам» дип игълан биргән элекке хуҗасы кушкан.

Челсины безгә улыбыз Пермьнән алып кайтты. Ул акыллы, шаян һәм кызыксынучан песи. Шуңа күрә кайчакта без аңа «любопышка» дип дәшәбез. Мин аны еш кына кызыклы мәлләрдә видеога һәм фотога төшерәм.

Челси бар нәрсәне кызыксынып күзәтә, өйрәнә, урамнан үтүчеләрне тәрәзә аша карап торырга һәм йокларга ярата. Эштән кайтканда ул безне шатланып ишек янындагы тумбочка өстендә каршы ала. Ишекне ачуыбыз була, шунда ук үрелеп карый. Ә безгә кызык!

Редакциядән. Йорт хайваны (песи генә түгел, этләр, попугайлар, ташбакалар һәм башкалар) турында зур булмаган мәкалә язып, кызыклы фотоларны да куеп, текст авторының исем-фамилиясен, үзегез яшәгән торак пункт атамасын күрсәтеп «для конкурса» тамгасы белән безнең электрон адреска: [email protected] яки «ВКонтакте»га: https://vk/com/rodnikplus яки «Одноклассники»га: https://ok.ru/gazetarodnikplus – җибәрегез.