Ир-атлар да чәчәк үстерә

Аның бакчасында берьеллык циннияләр, кашкарыйлар да бар. Күршеләре Якуповлар да аңа киңәшләре белән ярдәм итә, чәчәк үсентеләре бирә. Рәшит Фәрит улы гомер буена хокук саклау органнарында эшләгән, хәзер ул лаеклы ялда, әмма эшсез тормый – Сафар дуңгызчылык комплексында каравылчы булып эшли. Күп еллар элек әти-әнисе йортына күчеп кайткан һәм әнисе утырткан чәчәкләрне үстерүен дәвам итә. Аңа чәчәкләр утырту һәм үз эшенең нәтиҗәсен күрү ошый, ул җәй буе бакчада хуш ис таратып үсеп утырган аллы-гөлле чәчәкләргә карап хозурланырга ярата.