Чәчәкләр үстерү турында кыштан ук хәстәрлек күрелә

Әлегә аларны үстерү белән Наталья Самагина үзе генә шөгыльләнә.

Эш күләме артуга коллективтагы хезмәткәрләр саны да күбәячәк. Чәчәк үстерүче Наталья Самагина сүзләренә караганда, биредә үз эшен яратып башкаручылар эшли, очраклы кешеләр озак тоткарланмый.

Чәчәк түтәлләренең нинди булачагы турыдан-туры «Ямь» җәмгыяте директоры урынбасары Рәдиф Газзаловка, аның фантазиясенә, иң мөһиме, тәҗрибәсенә бәйле.

Ул урман эше белгечлеге буенча аграр университет тәмамлаган. Рәдиф Радик улы дистә елдан артык поселокны яшелләндерү, ландшафт дизайны белән шөгыльләнә һәм бу өлкәдә зур тәҗрибә туплаган кеше.

«Ямь» җәмгыятендә, берьеллык чәчәкләрдән тыш, зәңгәр чыршы, туя һәм декоратив куаклар үстерелә. Бу тиз башкарыла торган эш түгел, чөнки үсемлекләрне даими урынга күчереп утыртканчы кимендә биш ел үс-терәсе бар.