Яраткан басмадан бүләк

Район гәзите укучыларыбызның йортына яңалыклар белән генә түгел, бүләкләр белән дә килә.

Гәзит элекке гореф-гадәтләргә тугры калып, күп еллар дәвамында социаль челтәрләрдә акцияләр һәм конкурслар үткәрә.

Бу көннәрдә боздан һәм кардан сыннар ясау буенча «Яңа ел кәефе» дип исемләнгән иҗади фотобәйгегә йомгак ясалды. Бәйгедә Дмитриевка-1 авылыннан 6 яшьлек Михаил Елизарьев җиңү яулады. Конкурс шартлары буенча иң күп тавышны Миша җыйды.

Бүләк алырга ул әнисе белән килде.

– Яраткан гәзитебезне атна саен көтеп алып укыйбыз. Район гәзитенең «ВКонтакте» челтәрендәге язмаларын актив күзәтеп барабыз. Конкурс оештырылуы турында белгәч, улым белән Карбабай ясадык һәм бәйгедә катнашу өчен фотосын җибәрдек. «ВКонтакте» төркемен укучыларга нәкъ безнең Карбабай ошар дип көтмәгән дә идек. Безнең өчен тавыш биргән һәркемгә һәм шундый конкурслар оештырган өчен гәзит редакциясе коллективына зур рәхмәт. Сезгә иҗади уңышлар телибез, – диде Михаилның әнисе Мария.