-20 °С
Болытлы
Барлык яңалыклар
Безнең тирә-як мохит
1 декабрь 2020, 13:26
Чишмә укучыларына – планшет
20 ноябрьдә район мәгариф идарәлегендә «Өйдә укырга ярдәм ит» программасы барышында район мәктәпләрендә тугызынчы сыйныфта белем алучы алты балага планшетлар тапшырылды.
Бу көнне укучыларга планшетлар тапшыру өчен «Бердәм Рәсәй» партиясенең урындагы бүлеге секретаре Марат Байбурин, мәгариф идарәлеге начальнигы Сөләйман Ваһапов һәм район хакимиятенең мәгълүмат-аналитика бүлеге начальнигы Надежда Емец килделәр.
Иске Муса, Келәш, Алкин-2, Шөнгәккүл һәм Чишмә поселогында яшәүче аз тәэмин ителгән күп балалы гаиләләрдә тәрбияләнүче укучыларга планшетлар тапшырылды.
– Табиб булырга хыялланам. Моның өчен яхшы укырга кирәк, дип уйлыйм, планшет бу эштә ярдәм итәчәк, – дип тәэссоратлары белән уртаклашты Келәш урта мәктәбе укучысы Аделина Кәримова.
Киләчәктә ул Уфа медицина университетына укырга керергә һәм педиатр булырга хыяллана. Аларның гаиләсендә табиблар бар инде: мәсәлән, әнисе Уфада дәваханәдә эшли, абыйсы тиздән теш технигы һөнәрен алачак.
– Энем быел беренче сыйныфка укырга керде, – дип өстәде Аделина.
Исегезгә төшерәбез, «Бердәм Рәсәй» Бөтенрәсәй сәяси партия һәм Рәсәй Хөкүмәте белән берлектә эшләнгән әлеге программа 2020 елның мартында тормышка ашырыла башлады. Аның төп максаты – республиканың һәр укучысына сыйфатлы дистанцион белем бирүне тәэмин итү.
Яңа планшетлар балаларга яхшы белем алырга һәм электрон белем бирү ресурсларында укытучыларның биремнәрен үтәргә ярдәм итәчәк. Үзләренә кирәкмәгән компьютерлары, ноутбуклары, планшетлары, роутерлары булган район халкы һәм оешмалары да «Өйдә укырга ярдәм ит» акциясенә кушыла ала.
Редакцияне сайлау
Новости партнеров