Чишмэ
-19 °С
Болытлы
75 лет Победы
Барлык яңалыклар

Гүзәл затларны котлап

«Уңыш территориясе» коворкинг-үзәктә район хакимияте «Туклану үзәге» җәмгыяте белән берлектә 8 Март алдыннан үзенчәлекле балаларның әниләре өчен «Матурлык һәм гармония көне» дигән хәйрия акциясе үткәрде.

Алар өчен бәйрәм концерты, визажистлар һәм парикмахерлар хезмәте әзерләнгән иде, медицина белгечләре (эндокринолог, гинеколог, психолог) кызыксындырган сораулар буенча консультацияләр бирделәр. Истәлеккә фотога төшү өчен «А-ля Прованс» фотозона оештырылды, экспертлар табын әзерләү, социаль челтәрләрдә катнашу һәм башкалар буенча осталык класслары үткәрделәр.
«Туклану үзәге» җәмгыятенең башкарма директоры Энҗе Әхмәдуллина әниләргә вакытларын күңелле һәм файдалы итеп үткәрүләрен теләде.
– Бу күңелле чара турында ватсаптагы «Наши детки» төркемендә белдем. Мин барлык осталык классларында булырга телим. Бу яхшы идея – әниләргә ял итәргә һәм матурланырга мөмкинлек бирә, мондый чаралар күбрәк булсын иде. Чөнки бәйрәмнәрнең күпчелеген балалар белән белән оештыралар, ә без болай да тәүлегенә 24 сәгать алар белән бергә, – дип уртаклашты ике үзенчәлекле бала үстерүче Регина Кәримова.
Читайте нас в