Сугыш ветераны белән очрашу

Без, укучылар, сугышның 9 ел 1 ай һәм 19 көн дәвам итүен, бу көнне Әфганстанда сугышкан яугирләрне генә түгел, шулай ук барлык локаль низагларда катнашкан солдатларны да искә алу көне булуын белдек.

Чарага Чечняда хәрби хәрәкәтләрдә катнашкан Ришат Мостаев чакырылды. Ул укучыларга үзенең хәрби язмышы турында сөйләде, шул елларны искә төшерде. Балалар аңа «Ничә ел хезмәт иттегез?», «Парашют белән сикердегезме?», «Нинди кораллар бар иде?» дип сораштылар һәм барлык сорауларга җавап алдылар.

Якташларыбыз – Әфганстан сугышы ветераны Венер Билалов һәм Чечня сугышы ветераны Тәлгать Ганиев турында да искә алдык.