Чакырылган кунаклар арасында Әфганстан ветераннарының Чишмә район оешмасы рәисе Андрей Исаев һәм Чишмә район ветераннар советы рәисе урынбасары Зинур Усеев та бар иде. Кунаклар һәм укучылар өчен Әфган сугышында катнашкан якташларыбыз турында видеоязма күрсәтелде. Чара Чишмә балалар сәнгать мәктәбе укучылары һәм укытучылары катнашлыгында концерт номерлары белән тәмамланды.