Чыгышларын геройларга багышладылар

5–6 сыйныф укучылары әлеге юллар авторы җитәкчелегендә чыгыш әзерләделәр, укучыларга шул авыр көннәрнең мөһим мизгелләре турында сөйләделәр. Сталинград сугышы 200 көн дәвам иткән, бик күп кешеләр һәлак булган. Капитан Гастелло батырлыгын кабатлаган очучы Виктор Рогальский, 50 сугышчыны яу кырыннан алып чыккан санинструктор Гуля (Марианна) Королева, дошман танкының ялкын ялмап алган бронясын үз гәүдәсе белән каплаган Михаил Паникаха кебек геройларны искә төшерделәр, шул темага караган документаль фильмнар карадылар.

Ә хәзер балалар 15 февральдә булачак Яугир-интернационалистлар көненә, сафта йөреп җыр башкару смотрына материаллар әзерлиләр.

Роман Шумнов фотосы