Кыш бабай бәя бирә

«С.И.У.М» үсмерләр клубы әгъзалары Кыш бабайга ел буена башкарган игелекле эшләре турында хат яздылар. Бәйгедә җиңеп чыгу нәтиҗәсендә алар Кыш бабайның Уфа шәһәре Мәдәният йортында үткән раштуа чыршысына чакыру алдылар.

Пионерлар һәм укучылар йортына йөрүче балаларны биредә кызыклы тамашалар һәм төрле бүләкләр көтте. Ә аеруча әһәмиятле булган игелекле эшләр өчен балаларга Бөек Устюгта яшәүче Кыш бабайдан грамоталар, шулай ук кинога һәм республика башкаласындагы музейларга бару өчен билетлар һәм башка бүләкләр тапшырылды.