Музейдан килгән күргәзмәләр

Укучыларның күптән көткән каникуллары башланды, районның крайны өйрәнү музее хезмәткәрләре алар ямансулап ятмасын һәм ялларын файда белән үткәрсен өчен балаларның көндез тору үзәкләренә күчмә күргәзмәләр оештырдылар.

Мәсәлән, 5 июньдә күргәзмәне Шөнгәккүл мәктәбе укучылары карый алды, икенче көнне экспонатлар белән автомобиль Дураска, 13ендә Сәйранга һәм Новотроицкига барды. Балалар өчен республика оештырылуның 100 еллыгына багышланган «Республика барлыкка килү: тарихи йөзләр»; Башкортстанның халык шагыйре Мостай Кәримнең тууына 100 ел тулуга багышланган «Үз тормышым белән горурланырга хаклымын»; «Танклар макетлары» күргәзмәләре; «Патроннар гильзалары» стенд-коллекция оештырылды. Шуннан тыш, «Мостай Кәрим», «Чишмә тарих-крайны өйрәнү музее» видеоязмалары, «Экспонатны бел» видеовикторина һәм җансурәт күрсәтелде. Музей хезмәткәрләре балаларга яхшы ял итүләрен теләделәр, һәм тагын бер тапкыр иминлек турында, аерым алганда, юлларда, сулыкларда һәм җәмәгать урыннарында хәвефсезлек кагыйдәләрен үтәү турында исләренә төшерделәр.