Чишмэ
+26 °С
Болытлы
Барлык яңалыклар
Безнең тирә-як мохит
1 апрель 2019, 19:00

Без бергә – көч

13 мартта Чишмә поселогында «Без бергә – көч» дип аталган II муниципаль яшьләр мәгариф форумы кампаниясе үтте.

Форум эшендә Башкортстан Республикасы Дәүләт җыелышы – Корылтай карамагындагы Яшьләр җәмәгать палатасы әгъзалары катнашты.

Җәмәгать палатасы рәисе Зарина Газизова үзенең чыгышында форумда катнашучыларны акцияләрдә актив катнашырга, проектлар төзүдән курыкмаска өндәде.

Форум барышында бизнес-тренер Тимур Зәйнуллин белән «Эшкуарлык», районның «Ышаныч» яшьләр үзәге волонтерлары белән «Бердәмлек», Чишмә үзәк район дәваханәсе табиблары җитәкчелегендә «Мин – сәламәт тормыш рәвеше өчен!» юнәлешләре буенча мәгариф мәйданчыклары оештырылды.

Соңыннан форумда катнашучылар игътибарына сәнгать мәктәбе, Пионерлар һәм укучылар йортына йөрүче балалар тарафыннан әзерләнгән концерт программасы тәкъдим ителде.
Линара Сабирова, волонтер
Читайте нас: