Акчасыннан колак каккан

Шунысы күңелсез, бу очракта беркемне дә җаваплылыкка тарту мөмкин түгел. Чөнки ул әңгәмәдәшен бер тапкыр да күрмәгән, хәтта аның исемен дә белми.

Эчке эшләр министрлыгының Чишмә районы бүлеге хезмәткәрләре гражданнарны уяу булырга чакыра. Еш кына интернетта калкып чыккан реклама язулары мошенникларныкы булып чыга. Әлеге сайтларда теркә-лергә һәм шәхси мәгълүматларыңны калдырырга ярамый.

Шулай ук акча күчерүегезне сораулары да, ничек кенә ышанычлы тоелмасын, сагайтырга тиеш. Бу очракта телефоныгызны сүндереп куеп, якыннарыгыз яки таныш-белешләрегез белән киңәшләшегез.

Алдауның ТӨП ысуллары:

*Банк яки хокук саклау органнары хезмәткәре булып шалтырату;

*Кыйммәтле кәгазьләр, криптовалюта сату буенча биржага инвестицияләр кертү юлы белән өстәмә акча эшләү юлын тәкъдим итеп шалтырату;

*Якын кешең (дустың, туганың) бәлагә тарыды, юл-транспорт һәлакәтенә очрады, полиция тарафыннан тоткарланды, дәваханәгә эләкте, дип мәсьәләне хәл итү өчен акча сорау.

*Шуны онытмагыз! Полиция һәм банк хезмәткәрләре сезгә беркайчан да һәм бернинди шартларда да шалтыратып, әле язып үтелгән гамәлләрне башкаруыгызны сорамаячак, ышанмагыз – бу алдау!

Фото чыганагы: oweysfmsdlcm9674drgxz0hmvhyul9ue.jpg (1050×700) (khab-vesti.ru)