Өйләре янып беткән!

Хуҗабикә Юлия ут эченнән инсулинның бер атналык запасын гына алып чыгарга өлгерә. Лотфуллиннарның балигъ булмаган өч баласы бар, зур кызлары шикәр диабеты белән авырый.

Янгынның сәбәбе – зарядкага куелган кесә телефоны.

Гадәттән тыш хәлләр буенча БР дәүләт комитеты Кытайда җитештерелгән телефоннарның еш кына зарядка алганда янып китүе турында хәбәр итә.

Әлеге вакытта гаилә туганнарында яши. Тикшерү үткәрелү сәбәпле, йортны сүтү билгесез вакытка кичектерелә. Лотфуллиннар гаиләсе ярдәм кулы сузган һәркемгә рәхмәтле.

Әйткәндәй

Бу көнне республикада тагын бер янгын булган. Гафури районының Сәетбаба авылында да кичке бишләр тирәсендә зарядкага куелган телефон сәбәпле йорт янган. Үзегезне һәм якыннарыгызны саклагыз! Электр приборларны кабызган килеш калдырмагыз!