Су хаталарны кичерми

15 июльдә 19.42 сәгатьтә Чишмә районының Бердәм кизү-диспетчерлык хезмәтенә шалтырату килә.

Дүрт балалы гаилә Чишмә районының Черниговка авылы янындагы Дим елгасы буена ял итәргә бара. Су кергән вакытта балаларның берсе, 5 яшьлек малай югала.

Водолазларның эзләү эшләре өч көн, 15, 16 һәм 17 июльдә, дәвам итә. Волонтерлар бу вакытта аны якындагы урманнан эзли. Малайның гәүдәсен
17 июльдә көндезге сәгать дүртләрдә ул батып үлгән урыннан 5 чакрым ераклыкта табалар.

19 июльдә, урындагы вакыт белән 20.20 сәгатьтә суга бату белән бәйле тагын бер шалтырату була. Санжаровка авылы янындагы Уттар күлендә су кергәндә бер ир югалды, дип хәбәр итәләр. Югалган ир шул авылда яшәүче егерь су кергәндә юк булган. Кемдер аның судан чыгуын әйткән, ә башкалар киресен раслаган. Водолазлар аны 20 июльдә эзләү эшләрен башлаган.

Онытмагыз, су хаталарны кичерми! Балаларны игътибарсыз калдырмагыз. Эчкән килеш һәм тыелган урыннарда су кермәгез.

Фото: News-r.ru