+13 °С
Облачно
Гадәттән тыш хәлләр министрлыгы
10 Июня 2020, 08:00
Йорт һәм мунча янды
2020 елның 29 маенда Енгалыш авылыннан ерак түгел урнашкан «Нива» бакчачылык берләшмәсендә йорт янды.
Чишмә районының 95нче янгын сүндерү бүлегенә шул турыда иртән 5.44 сәгатьтә хәбәр килә. Янгын сүндерүчеләр килгәндә йортны тулысынча ут ялмап алган була. Ачыклануынча, бирегә ял көннәрендә йорт хуҗасының балалары килгәч, өйдә электр чыбыктан ут чыга. Йорт тулысынча янып бетә, бәхеткә, корбаннар һәм зыян күрүчеләр юк. Янгынның сәбәбе: электр корылманы кую һәм файдалану кагыйдәләрен бозу.
* * *
30 майда 21.16 сәгатьтә Яңа Сафар авылында янгын турында хәбәр килә. Мунча яна. Янгын сүндерүчеләр утны сүндерә, мунчаның түбәсе өлешчә яна. Корбаннар һәм зыян күрүчеләр юк. Янгынның сәбәбе: мич якканда янгын хәвефсезлеге кагыйдәләрен үтәмәү.
Фото: pixabay
Редакцияне сайлау
