Мактаулы хезмәткәр исеменә дә лаек булды

 Нәтиҗәле социаль партнерлык өчен ул Гомумрәсәй мәгариф профсоюзының Башкортстан оешмасы Мактау грамотасы белән бүләкләнде.

Оксана Юрьевна 2013 елдан бирле җитәкчелек иткән дәвердә «Родничок» балалар һәм педагоглар өчен заманча, уңайлы мәгариф үзәгенә әверелде.

 Аның заманча идарә итү стилендә һәр хезмәткәргә шәхси якын килү, ярдәмчеллек һәм илһамландыру төп урында тора. Ул кирәк чакта ярдәм кулы суза, илһамландыра һәм мөмкинлекләрне ачарга булышлык итә белә, шуның нәтиҗәсендә коллектив бердәм һәм нәтиҗәле эшли. Шулай ук җитәкченең профсоюз хәрәкәтенә зур игътибар бирүен аерым билгеләп үтәргә кирәк.

Бүген «Родничок» – районның алдынгы мәгариф мәйданчыкларының берсе. Биредә логопедлар, музыка укытучылары һәм физкультура инструкторлары өчен даими рәвештә район методик берләшмәләре, шулай ук мәктәпкәчә белем бирү педагоглары өчен семинарлар үткәрелә. Моннан тыш, балалар бакчасы коллективы һөнәри ярышлардан да читтә калмый, алар бөтенрәсәй, республика һәм район дәрәҗәсендәге конкурсларда һәм форумнарда катнашалар. Учреждениедә эксперименталь һәм инновацион эшчәнлеккә дә зур урын бирелә.