Ватанга хезмәт итү династиясе

Аларның язмышы – СССР Дәүләт иминлеге комитетында (КГБ) һәм милициядә хезмәт итүдән алып махсус хәрби операциядә катнашуга кадәр батырлык, вазифага тугрылык һәм буыннар дәвамчанлыгы тарихы. Бүгенге көндә дә алар Эчке эшләр министрлыгы данын саклап һәм ватанпәрвәрлек традицияләрен тапшырып, яшьләрне тәрбияләү эшен дәвам итәләр.

Илдар Акбердин 1970 елда туган, 1988-1990 елларда СССР Дәүләт иминлек комитетының чик буе гаскәрләрендә хезмәт иткән. 1991-1995 елларда Рәсәй Эчке эшләр министрлыгының Уфа мәктәбендә белем алган. 1995 елдан 2010 елга кадәр Чишмә районы буенча эчке эшләр бүлегендә хезмәт куйган. Чечня Республикасында террорчылыкка каршы операциядә катнашкан, махсус төркем командиры булган. 2023 елның октябреннән 2024 елның сентябренә кадәр РФ Милли гвардия гаскәрләре составында контракт буенча махсус хәрби операциядә катнашкан. Сугыш хәрәкәтләре ветераны. Хәзерге вакытта район мәктәпләрендә һөнәри юнәлеш бирү эшен алып бара, район яшьләрен патриотик тәрбияләүдә актив катнаша.

Илдарның әтисе Ринат Акбердин СССР Эчке гаскәрләрендә, аннары район эчке эшләр бүлегендә хезмәт иткән, җинаятьчеләрне эзләү бүлеге хезмәткәре булган, милиция капитаны дәрәҗәсендә пенсиягә чыккан.

Илдарның улы Тимур мәктәпне тәмамлаганнан соң Рәсәй Оборона министрлыгына эшкә урнаша. 2022 елдан СВОда катнаша, шулай ук хәрби хәрәкәтләр ветераны булып тора.

Илдар Акбердинның туганнарының да тормыш юлы эчке эшләр органнары белән бәйле: абыйсы Рәхимҗан, икетуган энесе Марат, бертуган энесе Илшат һәм сеңлесе Гөлшат. Аларның кайберсе инде хезмәтен тәмамлаган, ә кайберләре намус белән туган ил файдасына эшләвен дәвам итә.

Рәсәй Эчке эшләр органнары һәм эчке гаскәрләр ветераннары көне ел саен 17 апрельдә билгеләп үтелә. Бу көнне без барлык ветераннарны ихлас котлыйбыз! Сез үзегезнең иң яхшы елларыгызны Ватанга хезмәт итүгә багышладыгыз, җинаятьчелеккә каршы көрәшкә күп көч салдыгыз. Сезнең казанышларыгыз – киләчәк буыннар өчен үрнәк. Бүген Рәсәй Эчке эшләр министрлыгының Чишмә районы буенча бүлегенең ветераннар оешмасында якынча 140 кеше исәпләнә. 2022 елның ноябреннән оешмага отставкадагы милиция подполковнигы Әкрам Туктаров җитәкчелек итә.

Ветераннарның яшьләрне патриотик тәрбияләүгә керткән өлеше бәяләп бетергесез. Сезнең тормыш тәҗрибәсе – лаеклы гражданнар тәрбияләү нигезе.

Бүген безнең янда булмаган ветераннарны да онытмыйк, хөрмәт белән искә алыйк!

Хөрмәтле Эчке эшләр министрлыгы ветераннары! Сезне һөнәри бәйрәмегез белән котлыйбыз! Сез – безнең заманның чын геройлары. Сезгә һәм якыннарыгызга сәламәтлек, кыюлык һәм яңа казанышлар телибез! Сезнең ватанпәрвәрлек буыннан-буынга күчә барсын. Без сезнең белән горурланабыз!

Евгений Казаков, Эчке эшләр министрлыгының Чишмә районы буенча бүлеге начальнигы, полиция полковнигы.