Ирешелгәннәрдә тукталып калмаска

Районның «Ышаныч» яшьләр үзәге белгечләре Профилактика юнәлешендәге программалар республика бәйгесендә катнаштылар.

Ул Рәсәй Федерациясе төбәкләрендә яшьләр сәясәтен комплекслы үстерү программасы барышында Башкортстан Республикасының Яшьләр сәясәте буенча дәүләт комитеты тарафыннан үткәрелде.

«Ышаныч» үзәгенең социаль педагогы Гөлнара Әсәдуллина социаль-хәвефле һәм авыр тормыш хәлендә калган яшьләр өчен «Барысы да синең кулларда!» программасын булдырган. Проект бәйгедә катнашучы 45 кеше арасында сайлап алу этабын узды. Г. Әсәдуллина Уфаның «Яшьлек House» яшьләр йортында көндезге форматта узган проектны яклау чарасына да чакырылды. Проектны «Ышаныч» ресурс-методика үзәге директоры Зөлфия Нугаева яклады.

– Нәтиҗәдә, безнең үзәк Республика бәйгесе финалистлары исәбенә керде һәм офис техникасы комплекты – проектор һәм интерактив экран белән бүләкләнде. Проектны гамәлгә ашыру 2023 елның сентябреннән башланачак һәм 2024 елның мартына кадәр дәвам итәчәк, – дип билгеләп үтте Зөлфия Бахадыр кызы. – «Ышаныч» яшьләр үзәге коллективы ирешкәннәрдә генә тукталып калырга җыенмый. Без инде яшүсмерләрне социализацияләү программалары буенча Бөтенрәсәй конкурсында катнашу өчен гариза бирдек. Ул Рәсәй Федерациясендә үсмерләрне социализацияләү буенча уңай тәҗрибәләрне ачыклауга һәм «Аралашу, иҗат һәм ярдәм аша социализация» номинациясендә үсмерләр белән эшләү буенча белгечләр оешмасын булдыруга юнәлдереләчәк.