Радмир Мортазин Кызыл мәйданда узган парадта катнашты

Әлеге вакытта ул Воронеж шәһәренең Жуковский һәм Гагарин исемендәге Хәрби-һава академиясендә белем ала.

– Башка һөнәр турында уйлаганым да булмады. Курсант булуны максат итеп куйдым,  мине башка вариантлар кызыксындырмады. Хәзер хәрби академиядә «Авиация буенча элемтә чаралары» белгечлеге буенча икенче курста белем алам, – дип сөйләгән иде Радмир «Чишмә» гәзите хәбәрчесенә кышкы каникулларга кайтканда.

Быел егетнең Мәскәүдә Кызыл мәйданда узган парадта катнашу турындагы хыялы чынга ашкан. Радмир Мортазин Воронежның Жуковский һәм Гагарин исемендәге Хәрби-һава академиясендә укуы белән горурлана.