Бәрхет тавышы әллә кайдан танулы

Гомәр Әбделмановка 90 яшь тулды

Күптән түгел Дурас Мәдәният йортында Башкортстанның атказанган артисты Гомәр Әбделмановның 90 яшьлек юбилеена багышланган музыкаль кичә үтте.

Бу көнне бирегә аның авылдашлары һәм иҗатын хөрмәт итүчеләр җыелды. Кызганычка каршы, ул үзе, сәламәтлеге какшап китү сәбәпле, кичәгә килә алмады.

– Артистның үзенчәлекле бәрхет тавышы башка җырчыларныкыннан аерылып тора. Мин аның без бәләкәй чакта авыллар буенча концерт куеп йөрүен хәтерлим әле, Гомәр Мөгалләм улы – районыбыз горурлыгы, – диде Чишмә район хакимияте башлыгының беренче урынбасары Миңневәли Мусин.

Гомәр Әбделманов 1929 елның 15 декабрендә Чишмә районының Чукраклы авылында дөньяга килгән. Дурас авыл Советы биләмәсе башлыгы, шул ук авылда туып үскән Фәнил Заманов артистны авылдашы буларак яхшы белә.

– Гомәр абый яшьтән үк әдәпле һәм тыйнак булды. Ул әле булса авылда яшәүче һәр гаилә турында сорашып, кызыксынып тора. Аның җырларын берничә буын ишетеп үсте, иҗатын сәгатьләр буе тыңлап була, – диде ул.

Гомәр Әбделмановның күршеләре, дуслары да күренекле авылдашлары турындагы хатирәләре белән уртаклаштылар, тормышта булган төрле хәлләр турында сөйләделәр.

Район Мәдәният сарае хезмәткәрләре һәм урындагы үзешчән сәнгатьтә катнашучы коллективлар Гомәр Әбделманов репертуарындагы моңлы һәм халыкчан «Имәннәр шаулый», «Туган авылым», «Чәчәкләр уяныр» кебек һәм башка бик күп җырларны башкардылар.

Читайте нас:

Редакцияне сайлау

Район кешеләре

29 февраль , 12:55

Олимпиада турындагы хатирәләр

Авыл хуҗалыгы

27 февраль , 10:56

Югары нәтиҗәгә өмет итеп

Район кешеләре

29 февраль , 12:55

Олимпиада турындагы хатирәләр

Төрлесеннән

22 февраль , 10:17

Туган телне белү мөһим

Свидетельство о регистрации СМИ: ПИ № ТУ02-01358 от 23.07.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор: Хамитова Дильбар Равиловна

Телефон

8 (347 97) 2-06-86

Электрон почта

[email protected]

Адресы

452170, Чишминский район, п. Чишмы, пер. Типографский, 1

Реклама хезмәте

8 (34797) 2-33-63

Редакция

8 (34797) 2-31-66

Кабул итү бүлмәсе

8 (34797) 2-31-66

Хезмәттәшлек

8 (347 97) 2-06-86

Кадрлар бүлеге

8 (347 97) 2-33-63