Сайлау этабында Ризида җиңү яулады

Келәш Мәдәният йортында Фәридә Кудашева белән Бәхти Гайсин иҗатына багышланган «Ике аккош» республика музыка бәйгесенең икенче этабы үтте.

Анда төрле яшьтәге үзешчән җырчылар, шулай ук укучылар һәм студентлар катнашты. Чарага ун районнан барлыгы 15 бәйгече килде, Чишмә районы исеменнән Ризида Әхмәтшина һәм Фәйрүзә Шәһәбетдинова чыгыш ясады. Бәйгенең икенче этабында якташыбыз Ризида Әхмәтшина җиңү яулады. Чара ахырында кунаклар өчен Айдар Галимов һәм Фәридә Тимербаева башкаруында җырлар яңгырады.