+13 °С
Облачно
Район кешеләре
23 Ноября 2019, 09:10
Ярты гасырга тиң мәхәббәт
Чишмә районы ЗАГС бүлегендә бриллиант һәм алтын туйларын билгеләүчеләрне тәбрикләделәр.
Тантанага өч пар: Газизә һәм Мәхмүт Корбанголовлар, Әминә һәм Рәсим Мәгъсүмовлар, шулай ук Флорида һәм Наил Мөслимовлар чакырылды.
Корбанголовлар һәм Мәгъсүмовлар гаиләләре бергә яшәүләренең 60 еллыгын билгеләде, ә Мөслимовлар алтын туйларын бәйрәм итте, аларның уртак гомер кичерүенә быел 50 ел.
Юбилярларга туганнары һәм якыннары алдында Башкортстан башлыгы исеменнән котлау хаты һәм истәлекле бүләкләр тапшырылды. Чишмә районы ЗАГС бүлеге коллективыннан җылы теләкләр яңгырады, ә балалары һәм оныклары юбилярларны котлап, кадерле әти-әниләренә һәм картәти-картәниләренә чәчәкләр бүләк итәргә ашыктылар.
Редакцияне сайлау
