Чишмэ
+26 °С
Болытлы
Барлык яңалыклар
Файдалы эшләр елы
11 август 2023, 15:32

Тураханда визит-үзәк нигезенә символик тәңкәләр салдылар

Күчмә цивилизацияләр музеен планлаштырганнан соң, эшкә тотынганчы әлләни вакыт та үтмәде, һәмбулачак визит-үзәккә нигез ташлары салына башлады.

Тураханда визит-үзәк нигезенә символик тәңкәләр салдылар
Тураханда визит-үзәк нигезенә символик тәңкәләр салдылар

«Хәтер бакчасы»ның чикләре, төзелеш мәйданчыгы җәелгәнлектән, бераз күчерелде. Шуңа бәйле рәвештә республика Башлыгы Радий Хәбиров килү белән биредә үз агачын утыртырга шат булачагы турында хәбәр итте.

Ул төзелеш барышы белән танышты, бу җирлекнең тәгаенләнеше һәм үзенчәлекләре турында онытмыйча төзәтмәләр кертүне сорады. Хәтта Милли музейдагы Коръәнне булачак Евразия күчмә цивилизацияләр музеена күчерергә тәкъдим итте.

Архитекторлар, бер-берсен бүлдереп, үз фикерләре белән уртаклаштылар.

– Без рухи һәм матди мәдәниятне зоналар буенча бер-берсеннән аерырга тырыштык. Бер яктан, безнең экспозиция, лекцияләр, экспонатлар, ә икенче яктан кафе, картиналар һәм башкалар, – дип ачыклык кертте архитектор Рөстәм Алибаев.

Территория белән танышудан соң визит-үзәк нигезенә тәңкәләр салынды. Аннары кәшәнәгә таба юл тоттылар.

Анда бүгенге көнгә кадәр казу эшләре бара, ә Радий Фәрит улы килгән вакытта палаткалы лагерьда Уфа шәһәренең тикшеренүләрдә катнашкан «СМАРТ» мәктәбе шәйморатовчылары урнашкан иде.

Археолог Рамил Насретдинов хәбәр итүенчә, атна ярым казыганнан соң, мөселман каберлекләреннән тыш бу урында бизәнү әйберләре һәм амулетлар буларак кулланылган 1645 елгы дүрт тәңкә табылган. Ул казу эшләренең генетик һәм антропологик материал алу максатында алып барылуын, соңыннан яңадан күмеп куелачагын аңлатты. Чөнки 3-4 гасыр элек каберлек булган урында күзәтү мәйданчыгы булачак.

– Туфракның өске катламын бер көрәк алу белән, җирдәге таплар буенча нәрсә булачагын билгеләргә була. Мәсәлән, кабер чокырлары кара таплар белән аерылып тора, – ди студент-волонтер Никита Маркелов. 

Шунда ук мавзолей янында төбәк җитәкчесе Подымаловодан китерелгән табышларны да карады.

Ул кәшәнәгә керү юлындагы территориядә юллар, коймалар һәм башка корылмалар төзү турында (шулай ук мөһим момент – Турахан янында кәрәзле элемтә тотмауга бәйле) бик күп йөкләмәләр бирде.

Тураханда визит-үзәк нигезенә символик тәңкәләр салдылар
Тураханда визит-үзәк нигезенә символик тәңкәләр салдылар
Автор:Елена Дибаева
Читайте нас: