Радий Хәбиров Турахан кәшәнәсендә булды

Республика җитәкчесе Чишмә районында төзеләчәк Евразия күчмә цивилизацияләр музееның визит-үзәге нигезенә символик тәңкә салды.

Төзелеш барышы белән танышты, үзен кызыксындырган сораулар бирде һәм музейны күп милләтле илебез халкы өчен кызыклырак итү турындагы тәкъдимнәрен проектка кертте.

Моннан тыш, Радий Фәрит улы волонтерлар – Уфа студентлары һәм мәктәп укучылары урнашкан палаткалы лагерьда булды. Алар тикшеренү эшчәнлегендә актив катнашалар.

Әлеге вакытта кәшәнә янында казыну эшләре алып барыла, тагын берничә каберлек һәм артефактлар табылган.