«Мәрхәмәтле подписка» акциясе башланды.

Районда, электән килгән гадәт буенча, муниципалитетта беренчеләрдән булып әлеге инициативаны хакимият башлыгы Ришат Мансуров башлап җибәрде. Ул һәлак булган хәрбиләрнең әниләренә 2025 елның икенче яртысына район гәзитенә язылу бүләк итте.

Арытаба «Мәрхәмәтле подписка» эстафетасын ул «Чишмәэнергосервис» начальнигы Альберт Газиевка, «Ямь» җәмгыяте җитәкчесе Юнир Карачуринга һәм мәгариф идарәле-ге начальнигы Зилә Ямалетдиновага тапшырды.

Исегезгә төшерәбез, акция барышында теләге булган һәркем «Родник плюс» район гәзитенә һәм аның татар телендә чыгучы дубляж версиясе «Чишмә»гә һәм башкорт телендә басылучы районара «Йәйгор» гәзитенә яздыра ала.

Әти-әниләрегезне, дәүәни-дәүәтиләрегезне дә гәзиткә яздырырга онытмагыз, алар да соңгы вакыйгалардан, районыбыз яңалыкларыннан хәбәрдар булсыннар, тарихи фактларны искә алсыннар, якташларыбыз турында укысыннар.

«Родник плюс», «Чишмә» район гәзитләренә һәм районара «Йәйгор» басмасына почта элемтәсенең барлык бүлекчәләрендә язылырга мөмкин.

Район үзәгендә, Чишмә һәм Ярми авылларында яшәүчеләр 8 (34797) 2-33-63 номеры буенча редакция курьерларын өйгә чакырып яисә редакция бинасына килеп (Чишмә поселогы, Типография тыкрыгы, 1) гәзиткә языла ала.