Иң яхшы бакчачылык ширкәте ачыклана

Беренчедән, комиссия тикшерүе үткәрергә кирәк.

Моның өчен комиссия төзү мөһим, аның составына муниципаль берәмлек хакимияте һәм

иҗтимагый оешма вәкилләре һәм бакчачылык ширкәте рәисе керергә тиеш. Комиссия ширкәт территориясен карый һәм аның торышын бәяли. Карау нәтиҗәләре «Башкортстан Республикасы Башлыгы грантын алуга гариза сайлап алу кысаларында коммерцияле булмаган бакчачылык һәм яшелчәчелек ширкәтенең күчмә һәм камераль тикшерүләре» актында теркәлә. Актка мәгълүматның дөреслеген раслаучы фото һәм видеоматериаллар кушып бирелә.

Актка муниципаль берәмлек хакимияте һәм иҗтимагый оешма вәкилләре һәм бакчачылык ширкәте рәисе кул куя. Имза куелганнан соң муниципаль берәмлек хакимияте актның күчермәсен Башкортстан Республикасы Авыл хуҗалыгы министрлыгына җибәрә, ә төп нөсхәсе бакчачылык ширкәте рәисендә кала.

Икенчедән, коммерцияле булмаган бакчачылык ширкәтләре рәисләренә тиешле документлар пакеты җыярга кирәк.

Бакчачылык ширкәте рәисләренә кыскача презентация яки бакчачылык ширкәте эшчәнлеге турында хәбәр итүче видеоязмалар әзерләргә тәкъдим ителә, алар өстәмә баллар китерә ала.

Барлык әзерлек этаплары тәмамланганнан соң, документларны билгеләнгән вакытта шәхсән Башкортстан Республикасы Авыл хуҗалыгы министрлыгына тапшырырга кирәк.

Комиссия Чишмә районында бакчаларны карау турында актлар әзерли башлады. Электр уты өчен түләүләр буенча бурычлар булмау турында белешмәләр алу өчен Башкортстанның энергия белән тәэмин итү компаниясенең рәсми почтасына мөрәҗәгать итәргә кирәк. Бакчачылык ширкәтенә илтүче юлның торышы баллар санына йогынты ясамый.

Тулырак мәгълүмат алу өчен 8 (347) 972-27-27 телефоны аша Чишмә районы авыл хуҗалыгы идарәлегенең баш белгече Исакова Айгөл Әнәс кызына мөрәҗәгать итәргә була.