Кылган гамәлләре – үрнәк

Мәдәният йорты авылның иҗтимагый һәм мәдәни тормышында аерым урын алып тора. Ул гореф-гадәтләрне саклау, иҗат итү һәм аралашу үзәге. Мәдәният йортында һәркем үзе өчен нинди дә булса шөгыль таба: ансамбльләрдә, бию һәм фольклор коллективларында, спектакльләрдә яки осталык дәресләрендә катнаша ала. Биредә дуслар табарга, мөһим вакыйгалар турында фикер алышырга, бәйрәмнәргә һәм истәлекле чараларга килергә мөмкин. Мәдәният йорты – ул һәркем үзен бербөтен итеп тоя, үзенең сәләтен ача, осталыгын күрсәтә һәм фикердәшләр таба алган урын.

Авыл халкы эчкечелеккә каршы көрәшкә юнәлдерелгән, шулай ук календарь даталарга һәм тематик акцияләргә багышланган Физкультурниклар көне, Рәсәйдә аеклык бәйрәме, «Исәнмесез, авылдашлар», «Аеклык – тормыш нормасы», «Аек яшәү – балалар өчен», «Аек Рәсәй – аек киләчәк!» кебек чараларда актив катнаша. «Аек яшә!», «Начар гадәтләр безгә юлдаш түгел!», «Начар гадәтләр, алардан ничек котылырга?» темаларына фикер алышулар һәм күргәзмәләр оештырыла.

Ярми фельдшер-акушерлык пункты мөдире Айгөл Байбулатова үсмерләр һәм балалар алдында сәламәт яшәү рәвешен пропагандалап, «Алкогольнең чиге бармы?» дигән лекция белән даими чыгышлар ясый.

«Наркотикларга ЮК дип әйт!» социаль рәсем бәйгеләре аша наркотикларга бәйлелек турындагы мөһим һәм көнүзәк темалар күтәрелә. Наркотик куллану сәбәпләре һәм нәтиҗәләре турында сөйләшүләр үткәрелә. «Тынычлыкта яшәргә телисеңме?», «Барысы да синең кулыңда» темасына буклетлар таратыла, «Тәмәке тартуның зыяны турында» лекцияләр, укучылар белән «Без алкогольгә каршы!», «Без сәламәт тормыш яклы!», «Тәмәкене конфетка алмаштырам!» акцияләре үткәрелә.

Ярми мәдәният йортында «Җидегән чишмә» һәм «Сәхнә дуслары» фольклор төркемнәре эшли, тиздән алар үзләре сәхнәгә куйган яңа спектакльне тәкъдим итәчәкләр.

Мәдәният йорты карамагындагы «Җиңү волонтерлары» хәрәкәтендә катнашучылар сугышчыларга кулларыннан килгәнчә гуманитар ярдәм күрсәтәләр. Алар үз тәҗрибәләрен бөтен республика волонтерлары белән уртаклашалар.

Ярми авылы осталары мәдәният йортына алгы сызыктагы яугирләр өчен маскхалатлар, дроннардан саклану өчен одеяллар, маскировка челтәрләре үрергә киләләр һәм моны күңел биреп, аналарча кайгыртучанлык белән эшлиләр.