Хокук тәртибен һәм гражданнар мәнфәгатьләрен яклау сагында

Прокуратура җинаять-процессуаль законнарга ярашлы дәүләт эше алып бара. 2024 елда 213 җинаять эше буенча дәүләт гаепләве хупланган.

Прокуратура җәмәгатьчелек өчен ачык. Аның эшчәнлегенең барлык әһәмиятле нәтиҗәләре киңкүләм мәгълүмат чараларында яктыртыла. Шулай ук прокуратура катнашлыгы таләп ителгән закон бозуларны ачыклау өчен киңкүләм мәгълүмат чараларын даими тикшереп тору практикасы җайга салынган.

Ел дәвамында прокуратурага шактый күләмдә мөрәҗәгатьләр килә, бу гражданнарның аңа карата ышанычын күрсәтә.

2024 елда район прокуратурасына меңнән артык мөрәҗәгать килгән. Халык күпчелек очракта хезмәт, торак һәм җир законнары үтәлеше мәсьәләләре буенча мөрәҗәгать итә, шулай ук җинаять кылу турындагы гаризаларны тикшергәндә хокук саклау органнары вазыйфаи затларның гамәлләренә һәм гамьсезлегенә карата шикаять белдерә.

2025 елда район прокуратурасы, илдәге икътисадый хәлне исәпкә алып һәм Рәсәй Федерациясе Генераль прокуратурасының оештыру-боерык бирү документларына ярашлы, законлылыкны һәм хокук тәртибен ныгыту, гражданнар, җәмгыять һәм дәүләт хокукларын һәм мәнфәгатьләрен яклау буенча эшне дәвам итәчәк.

Әлеге вакытта Чишмә районында прокурор Нияз Сираҗетдинов, аның урынбасарлары Нур Кирәев һәм Рөстәм Гарипов, прокурор ярдәмчеләре Эльвира Хәбибуллина һәм Эльвина Нугаева, әйдәүче белгеч Гөлшат Фазылова эшли.