Девизны Уфада ишетелерлек итеп өйрәнделәр!

Очрашуга килгән балаларда уңай тәэссоратлар гына калган. Яңа дуслар табу, бай эчтәлекле программа һәм республика җитәкчесе белән күрешү уку елы башланыр алдыннан тагын бер маҗарага әйләнгән.

Бу чара балалар янына безнең заман геройлары – махсус хәрби операциядә катнашучылар килүе белән дә үзенчәлекле. Радий Хәбиров яугирләр белән таныштырып, аларның кыюлыгын һәм каһарманлыгын ассызыклап үткән.

Геройлар арасында Бөре шәһәреннән гвардия майоры, Рәсәй Герое, танкист Борис Дудко, Белорет районыннан хәрби разведчик, майор Оскар Ситдыйков, шулай ук сугышта яраланган, әмма хәрби хезмәтен дәвам итүче Артур Галиев булды.

Кайтып китәр алдыннан укучылар Радий Хәбиров белән очраштылар. Ул аларның ватанпәрвәрлек һәм Ватанга мәхәббәт турындагы сорауларына җавап бирде, белем алырга, туган илгә хезмәт итәргә, шулай ук гореф-гадәтләрне хөрмәт итәргә рухландырды.

«Шәйморатовчылар» өчен биш көн дәвамында сафта йөрү, хәрби-медицина, инженер, физик һәм тактик әзерлек, хәрби типография буенча укулар, шулай ук радиацион, химик һәм биологик саклану нигезләрен өйрәнү, төрле мәдәни-ял итү чаралары: Рәсәй Федерациясе Герое, 112-нче башкорт (16-нчы гвардия) кавалерия дивизиясе командиры, гвардия генерал-майоры М. Шәйморатовка багышланган «Безнең Герой» күргәзмә-экспозициясе, «Геройлар ярышы» каршылыклар полосасын узу, «Салават токымнары чигенә белми», «Иң яхшы шәйморатовчы», «Талантлы отряд» чаралары, «Батырлар» этноквизы оештырылды.