Иван Купала – славян календарендагы төп бәйрәм

Безнең бердәмлегебез истә калырлык вакыйга булды.

Ә гомумән алганда, бу көнне Калмаш елгасында су җылы түгел иде, коенып чыгып булмады. Ләкин тәэссоратлырак булсын өчен барыбер салкын суга кереп фотога төштек һәм йола буенча такыялар агызып җибәрдек. Шул рәвешле мин Иван Купала бәйрәмендә беренче тапкыр катнаштым һәм ул күңелле хис-тойгылар калдырды.

Ә безнең клипны интернетта «Импровизация» студиясендә катнашучыларның һәм Ләйсән Яхинаның «ВКонтакте» битләрендә табарга мөмкин.

Иван Купала – славян календарендәге төп бәйрәмнәрнең берсе. Ул җәй һәм печән өлгерү бәйрәме буларак та билгеле. Бәйрәмгә каршы төн алдыннан су коену гореф-гадәте катлаулы йолалардан санала.

Бу көнне кешеләр чәчәк бәйләмнәрен билләренә бәйләгәннәр, башларына үләннәр һәм гөлләрдән үрелгән такыялар кигәннәр, каралты-кураларны яшеллек белән бизәгәннәр. Коры ботакларны бер-берсенә ышкып «тере ут» чыгарганнар, учак өстеннән сикереп чыгып «чистарынганнар». Учак уртасына кояш символы – янып торган тәгәрмәч куйганнар, су сибешкәннәр, киләчәкне белү өчен бакканнар.

Су коену бәйрәмнәре мәҗүсилек вакытында Кояш алласы хөрмәтенә оештырылган. Заманча бәйрәм итүгә күчкәннән соң Иван Купала 7 июль көнне (тәгәлрәге, җиденче июльгә каршы төндә) уздырыла башлый.

Кайбер Европа илләре Изге Иван көнен (Иван Купалага охшаш) элекке стильдә – 20 июньнән 26 июньгә кадәр үткәрәләр.