Эмира биергә дә ярата. Кечкенә булуына карамастан, Түбән Новгород, Мәскәү һәм Ярославль сәхнәләрендә чыгыш ясарга өлгергән.
Аның апасы белән сеңлесе дә бар. Апасы Сафинага 12 яшь, ул бик тә рәсем ясарга ярата. Картиналары белән бүлмә тулган, ул шулай ук тырыш укучы да, бишенче сыйныфны бары тик бишле билгеләренә генә тәмамлаган. Ә сеңлесе Асельгә нибары өч яшь ярым, ул һәрвакыт апаларының аның белән уйнауларын көтә.
Җәйге каникул – балалар өчен иң күңелле вакыт. Кызлар җәйләрен җиләк җыярга, картәниләренә бакчада ярдәм итәргә яраталар, сеңелләрен дә карарга онытмыйлар.
Чишмә поселогында яшәүче Хисмәтуллиннар гаиләсендә менә шундый тырыш һәм сәләтле кызлар үсә.